Teknologji

Apple vjen me risinë e radhës

0

Apple vjen me risinë e radhës


AutoTech


Gazeta Express

03/04/2021 1:23

Apple njoftoi se pajisjet iPhone do t’iu
ofrojnë mundësinë përdoruesve të zgjedhin nga një gamë zërash kur vendosin për
ndihmësin virtual ose siç njihet ndryshe, Siri.

Apple u shpreh gjithashtu se do të shtojë dy
zëra të rinj në Siri. Këto ndryshime janë tashmë të disponueshme në iOS 14.5
beta dhe do të hyjnë në fuqi për ata që do të përditësojnë iOS më vonë gjatë
vitit.

Aktualisht gjiganti i teknologjisë Apple lejon
përdoruesit të zgjedhin midis një zëri mashkullor dhe femëror, si dhe gjashtë
thekseve të ndryshme. Megjithatë zëri që përcaktohet automatikisht nga pajisja,
para se përdoruesi të përzgjedhë vetë, është zëri femëror.

Ky fakt ka shkaktuar akuza se “ndihmësit
virtualë” po nxisin pabarazi gjinore dhe stereotipe të gabuara.

Një raport i Kombeve të Bashkuara paralajmëroi
që asistentët e zërit përjetësojnë idenë se “gratë duhet të jenë ndihmëse, të
bindura dhe të gatshme, të disponueshme me një prekje të butonit ose me një
komandë zëri”.